იურიდიული დახმარების სამსახურის მცხეთა-მთიანეთის ბიუროს ადვოკატებმა დღეს საინფორმაციო შეხვედრები გამართეს მცხეთის მუნიციპალიტეტის სოფლებში – ახატანსა და ბიწმენდში.

საზოგადოებრივმა ადვოკატებმა ადგილობრივ მოსახლეობას უფასო იურიდიული დახმარებით სარგებლობის პირობები გააცნეს და იურიდიული კონსულტაციები გაუწიეს. სხვადასხვა საკითხს შორის, მოქალაქეებს განემარტათ მიწის ნაკვეთის რეგისტრაციის წესი და პირობები. საზოგადოებრივმა ადვოკატებმა ასევე ისაუბრეს სამისდღემშიო რჩენის ხელშეკრულებისა და და ჩუქების ხელშეკრულების შესახებ.

იურიდიული დახმარების სამსახურის რეგიონული ბიუროები და საკონსულტაციო ცენტრები მსგავს შეხვედრებს პერიოდულად მართავენ, რაც მოსახლეობის სამართლებრივი ცნობიერების ამაღლებას ემსახურება.

• უკან დაბრუნება