2020 წლის 27 თებერვალს იურიდიული დახმარების სამსახურის ახალციხის ბიუროს ადვოკატი დავით თელიაშვილი ქ.ახალციხეში, არასამთავრობო ორგანიზაცია „დემოკრატიულობის ჩართულობის ცენტრში“ შეხვდა ადგილობრივ მოსახლეობას. შეხვედრის თემა იყო „ოჯახში ძალადობა/ქალთა მიმართ ძალადობა“.

შეხვედრაზე მოსულ ქალებს მიეწოდათ ინფორმაცია, თუ რა ითვლება ოჯახში ძალადობად, რა საკანონმდებლო ბაზა და რა საშუალებები არსებობს ოჯახში ძალადობის წინააღმდეგ ბრძოლისათვის. შეხვედრაზე დამსწრე პირებს გაეცათ კვალიფიციური პასუხები მათთვის საინტერესო კითხვებზე.

აღნიშნული შეხვედრა გაიმართა ქალებზე, მშვიდობასა და უსაფრთხოებაზე გაეროს უშიშროების რეზოლუციების განხორციელების 2018-2020 წლების საქართველოს ეროვნული სამოქმედო გეგმის ფარგლებში და მისი მიზანი იყო მოსახლეობაში სამართლებრივი ცნობიერების ამაღლება და დანაშაულის პრევენცია.

• უკან დაბრუნება