იურიდიული დახმარების სამსახურის ერთ-ერთ მნიშვნელოვან ფუნქციას წარმოადგენს პირის მხარდაჭერის მიმღებად ცნობა და მხარდამჭერის დანიშვნა.

იურიდიული დახმარების სამსახური საკუთარი უფლებების დასაცავად ბენეფიციარებს სთავაზობს უფასო იურიდიულ კონსულტაციას. მათ შეუძლიათ ისარგებლონ როგორც პირადი ასევე სატელეფონო/ონლაინ კონსულტაციის სერვისებით. სამოქალაქო სამართალწარმოებაში პირის მხარდაჭერის მიმღებად ცნობა და მხარდამჭერის დანიშვნა ერთადერთი საკითხია, რომელიც ითვალისწინებს სავალდებულო დაცვას, ანუ პირს, რომლის მხარდაჭერის მიმღებად ცნობის საკითხიც განიხილება, უნდა ჰყავდეს ადვოკატი მიუხედავად მისი გადახდისუუნარობისა და სოციალურ-ეკონომიური მდგომარეობისა.

პირი მხარდაჭერის მიმღებად შეიძლება ცნობილი იქნეს, თუ მას აქვს მყარი ფსიქიკური, გონებრივი/ინტელექტუალური დარღვევები, რომელთა სხვადასხვა დაბრკოლებასთან ურთიერთქმედებამ შესაძლოა ხელი შეუშალოს საზოგადოებრივ ცხოვრებაში მის სრულ და ეფქტიან მონაწილეობას სხვებთან თანაბარ პირობებში.

პირის მხარდაჭერის მიმღებად ცნობისა და მხარდამჭერის დანიშვნის შესახებ განცხადება სასამართლოში შეიძლება შეიტანოს თავად ამ პირმა, მისმა ოჯახის წევრმა, მისმა კანონიერმა წარმომადგენელმა, მეურვეობისა და მზრუნველობის ორგანომ, ფსიქიატრიულმა ან სპეციალიზებულმა დაწესებულებამ.

პირს, რომლის მხარდაჭერის მიმღებად ცნობის საკითხიც განიხილება, უფლება აქვს:

• ისარგებლოს ადვოკატის მომსახურებით სახელმწიფოს ხარჯზე
• დაესწროს სასამართლო პროცესებს და მონაწილეობა მიიღოს საქმის განხილვაში
• თუ ჯანმრთელობის მდგომარეობიდან გამომდინარე არ შეუძლია სასამართლო პროცესზე დასწრება კომუნიკაციის ელექტრონული ან სხვა საშუალებების გამოყენებით მოითხოვოს სასამართლო პროცესში ჩართვა
• ჰყავდეს მისთვის სასურველი მხარდამჭერი
• კანონით დადგენილ ვადაში გაასაჩივროს სასამართლოს გადაწყვეტილება
• მიმართოს სასამართლოს და მოითხოვოს მხარდაჭერის ფარგლების შეცვლა თუ არსებობს აღნიშნულის საფუძველი

სსიპ იურიდიული დახმარების სამსახური მხარდაჭერის მიმღები პირებისთვის სხვა სახის სამოქალაქო და ადმინისტრაციულ საქმეებზე სასამართლოში წარმომადგენლობას განახორციელებს 2018 წლის 1 აპრილიდან, მიუხედავად მათი გადახდისუუნარობის კრიტერიუმებისა და სოციალურ-ეკონომიური მდგომარეობისა.

 

---

სამართლებრივი აქტები

• საქართველოს კონსტიტუცია
• ადამიანის უფლებათა და ძირითად თავისუფლებათა დაცვის კონვეცია
• საერთაშორისო პაქტი სამოქალაქო და პოლიტიკური უფლებების შესახებ
• ეკონომიკური, სოციალური და კულტურული უფლებების შესახებ საერთაშორისო პაქტი
• საქართველოს სამოქალაქო კოდექსი
• საქართველოს სამოქალაქო საპროცესო კოდექსი
• „იურიდიული დახმარების შესახებ“ საქართველოს კანონი
• „ადვოკატთა შესახებ“ საქართველოს კანონი
• საქართველოს მთავრობის №424 დადგენილება - „პირის გადახდისუუნარობის დადასტურების წესის განსაზღვრის შესახებ“
• იურიდიული დახმარების საბჭოს №20 გადაწყვეტილება - საჯარო სამართლის იურიდიული პირის – იურიდიული დახმარების სამსახურის დებულების დამტკიცების შესახებ
• იურიდიული დახმარების საბჭოს №27 გადაწყვეტილება - „იურიდიული დახმარების შესახებ“ საქართველოს კანონის მე-5 მუხლის მე-3 პუნქტით გათვალისწინებული იურიდიული დახმარების გაწევის კრიტერიუმების დამტკიცების შესახებ
• ადვოკატთა პროფესიული ეთიკის კოდექსი

 

---

მომსახურების ფარგლები

სამოქალაქო ან/და ადმინისტრაციულ საქმეზე მუშაობისას, იურიდიული დახმარების სამსახურის საზოგადოებრივი ადვოკატი, როგორც წესი, ახორციელებს შემდეგ მოქმედებებს:

• ეცნობა ინფორმაციას და საქმის მასალებს წარმოებაში მიღებული საქმეების შესახებ;
• ხვდება დასაცავ პირს და უწევს სამართლებრივ კონსულტაციას;
• აანალიზებს საქმესთან დაკავშირებულ ინფორმაციას და უზრუნველყოფს საქმის წარმატებით წარმართვისათვის მტკიცებულებების შეგროვებას და წარდგენას შესაბამის უწყებაში ან სასამართლოში;
• წარმოადგენს დასაცავ პირს სასამართლოში;
• ადგენს საქმესთან დაკავშირებულ სამართლებრივ დოკუმენტებს – განცხადებებს, სარჩელებს, შესაგებლებს, საჩივრებს, მიმართვებს, შუამდგომლობებს და ა.შ.;
• ახდენს დასაცავი პირის და, საჭიროების შემთხვევაში, მისი კანონიერი წარმომადგენლის ინფორმირებას საქმის მიმდინარეობასთან დაკავშირებით.

 

---

მომსახურებით სარგებლობის პირობები

 

 

---

• უკან დაბრუნება