მიმდინარე წლის 11 აპრილს, იურიდიული დახმარების სამსახურისა და USAID სამართლის უზენაესობის პროგრამის ორგანიზებით, გაიმართა იმიტირებული სასამართლო პროცესი სენაკის რაიონულ სასამართლოში.

იმიტირებულ პროცესზე მხარეებს წარმოადგენდნენ სტუდენტი პარალეგალები ბათუმიდან, ხოლო ნაფიცი მსაჯულები გახლდათ სენაკის N1 საჯარო სკოლის მოსწავლეები.

პროცესის დაწყებამდე მოსწავლეებმა დეტალური ინფორმაცია მიიღეს ნაფიც მსაჯულთა ინსტიტუტთან დაკავშირებით.  ასევე, იმიტირებული პროცესის საქმის მასალები იმგვარად იყო შედგენილი, რომ ნაფიც მსაჯულებს შესაძლებლობა ჰქონდათ ემსჯელათ ბავშვთა შრომის უფლებიდან გამომდინარე აქტუალურ საკითხებზე და შემდგომ გაცნობოდნენ კვალიფიციურ სამართლებრივ შეფასებებს. განსახილველმა თემამ დიდი დაინტერესება გამოიწვია სკოლის მოსწავლეებში.

იმიტირებული პროცესი განხორციელდა პროექტის - "ვაქციოთ კანონი ყველასთვის ხელმისაწვდომი"-ს ფარგლებში.
 

• უკან დაბრუნება