მოქმედი კანონმდებლობის შესაბამისად, სსიპ იურიდიული დახმარების სამსახურის მომსახურება იყოფა 2 კატეგორიად:

• იურიდიული კონსულტაცია;
• იურიდიული დახმარება.

იურიდიული კონსულტაცია წარმოადგენს ყველასთვის ხელმისაწვდომ რჩევას ნებისმიერ სამართლებრივ საკითხზე.

იურიდიული დახმარება უმთავრესად განკუთვნილია გადახდისუუნარო პირებისათვის და მოიცავს:

1. იურიდიული დოკუმენტების შედგენას;
2. უფასო საადვოკატო მომსახურებას შემდეგი მიმართულებებით:

• სავალდებულო დაცვა;
• სისხლის სამართლის საქმეები;
• არასრულწლოვანთა დაცვა;
• ოჯახში ძალადობის მსხვერპლთა დაცვა;
• ძალადობის მსხვერპლი ქალების დაცვა;
• საოჯახო დავები;
• მემკვიდრეობასთან დაკავშირებული დავები;
• დევნილთა უფლებების დაცვა;
• სოციალური დახმარება;
• პენსია;
• პირის დაცვა „მხარდაჭერის მიმღებად“ ცნობის საკითხებზე;
• პაციენტთა უფლებების დაცვა;
• ომისა და სამხედრო ძალების ვეტერანების უფლებების დაცვა;
• პირის დაცვა არანებაყოფლობითი ფსიქიატრიული მკურნალობის საკითხებზე;
• პატიმართა დაცვა დისციპლინური სამართალწარმოების საქმეებზე;
• პირის დაცვა ადმინისტრაციული პატიმრობის საქმეებზე;
• თავშესაფრის მაძიებელთა უფლებების დაცვა;
• ყოფილ სახელმწიფო მოხელეთა და მეცნიერთა სოციალური უფლებების დაცვა;
• საომარ მოქმედებებში დაღუპულ და უგზო-უკვლოდ დაკარგულ პირთა ოჯახების სოციალური უფლებების დაცვა;
• ტუბერკულოზით დაავადებული პირის დაცვა არანებაყოფლობითი იზოლაციის საკითხებზე;
• პოლიტიკური რეპრესიების მსხვერპლთა სოციალური უფლებების დაცვა;
• შეზღუდული შესაძლებლობის მქონე პირთა სოციალური უფლებების დაცვა.