ლალი ჩაველაშვილი იურიდიული დახმარების სამსახურში მუშაობს 2007 წლიდან. 2007-2009 წლებში იგი იყო კახეთის ბიუროს სპეციალისტი, ხოლო 2009 წლიდან ეწევა საადვოკატო საქმიანობას სისხლის სამართლის სპეციალიზაციით კახეთის-თელავის ბიუროში.
მრავალწლიან პრაქტიკაში მას წარმატებულად აქვს დასრულებული არაერთი სისხლის სამართლის საქმე, განსაკუთრებით აღსანიშნავია ნაწილობრივი და სრული გამამართლებელი განაჩენით დასრულებული საქმეები.
ლალი ჩაველაშვილს გავლილი აქვს მრავალი პროფესიული ტრენინგი, მათ შორის, არასრულწლოვანთა მართლმსაჯულების საკითხებზე. 2016 წლიდან იგი ირიცხება „არასრულწლოვანთა მართლმსაჯულებაში სპეციალიზებულ ადვოკატთა მუდმივმოქმედ ჯგუფში“, რომელიც ფუნქციონირებს იურიდიული დახმარების სამსახურის ფარგლებში. 2017 წელს ლალი ჩაველაშვილი არჩეულია იურიდიული დახმარების საბჭოს წევრად.