2024 წლის 2 აპრილს, ზუგდიდის იურიდიული დახმარების ბიუროს უფროსი რომან კეიდია და წალენჯიხის საკონსულტაციო ცენტრის კონსულტანტი ნინო ხარჩილავა შეხვდნენ წალენჯიხის მუნიციპალიტეტის მერიის ადმინისტრაციის ხელმძღვანელს და ადმინისტრაციული ერთეულების წარმომადგენლებს.
იურისტებმა მასპინძლებს გააცნეს სამსახურის საქმიანობა, განიხილეს რეგიონის მოსახლეობისათვის აქტუალური საკითხები : ადმინისტრაციულ–სამართლებრივი აქტები; იურიდიული მნიშვნელობის მქონე ფაქტები; მიწის, უძრავი ქონების დაკანონებასთან დაკავშირებული საკითხები; საკუთრების რეგისტრაცია და პრივატიზების საკითხები; მხარდამჭერის მიმღებად ცნობის საკითხები; იძულებით გადაადგილებულ პირთა საკითხები; მემკვიდრეობა; ბავშვთა უფლებათა კოდექსი; ოჯახში ძალადობასთან დაკავშირებული საკითხები და სხვა.
შეხვედრის ბოლოს დარიგდა სამსახურის საინფორმაციო ბუკლეტები.