Top
ონლაინ დახმარება

 

კონფერენცია თბილისში - ბავშვთა უფლებებთან და არასრულწლოვანთა მართლმსაჯულებასთან დაკავშირებული აქტუალური საკითხები.

სსიპ იურიდიული დახმარების სამსახური, საქართველოს ადვოკატთა ასოციაციასთან თანამშრომლობით, მიმდინარე წლის 6 ნოემბერს, თბილისში ატარებს კონფერენციას თემაზე - ბავშვთა უფლებებთან და არასრულწლოვანთა მართლმსაჯულებასთან დაკავშირებული აქტუალური საკითხები. კონფერენციის გახსნით ნაწილში მონაწილეობას მიიღებენ იურიდიული დახმარების სამსახურის დირექტორი და ადვოკატთა ასოციაციის თავმჯდომარე.

კონფერენციაში მონაწილეობის მიღება შეუძლიათ, როგორც იურიდიული დახმარების საზოგადოებრივ ადვოკატებს, ასევე, ასოციაციის სხვა წევრებს, რომლებიც საადვოკატო საქმიანობას ახორციელებენ ქვემო ქართლის რეგიონსა და თბილისში.

კონფერენციაში მონაწილეობის მიზნით, გთხოვთ, შეავსოთ სარეგისტრაციო ფორმა: https://forms.gle/dUaFsm7ExbA6eqVh8 ან დაუკავშირდეთ კონფერენციის კოორდინატორს ნომერზე: 592 702 000.

კონფერენციაზე რეგისტრაცია დასრულდება 3 ნოემბერს, 16:00 საათზე. კოვიდ უსაფრთხოების წესებიდან გამომდინარე, ღონისძიებაში მონაწილეობას მიიღებს პირველადი რეგისტრაციის საფუძველზე რეგისტრირებული 150 მონაწილე.

კონფერენციასთან დაკავშირებული დამატებითი ინფორმაცია და დღის წესრიგი გაეგზავნებათ რეგისტრირებულ მონაწილეებს, რეგისტრაციის დასრულებიდან 2 დღის ვადაში.