იმერეთის რეგიონში გრძელდება იურიდიული დახმარების სამსახურის მობილური საინფორმაციო კამპანია. 5 მარტს, ქუთაისის იურიდიული დახმარების ბიუროს კონსულტანტები წყალტუბოს მუნიციპალიტეტის სოფლე ოფურჩხეთის მცხოვრებლებს შეხვდნენ.
ინა მელაძემ და მაია ხვადაგიანმა, მობილურ საკონსულტაციო ცენტრში, შესაბამისი კონფიდენციალურობის დაცვით, ინდივიდუალური კონსულტაციები გაუწიეს ოფურჩხეთის მკვიდრებს. მოსახლეობას აინტერესებდა მიწის სისტემური რეგისტრაციის. სოფლის გაზიფიცირების დროს აბონენტთა უფლებების, საბანკო Ხელშეკრულების დადების და მისი დარღვევის საკითხები.
ღონისძიება გაეროს განვითარების პროგრამისა და გერმანიის მთავრობის მხარდაჭერით ჩატარდა.